Amchi Mumbai

      No Comments on Amchi Mumbai

Ka khuolzinna ram Mumbai a hin buoi nei nuoi hlak lang khawm, nakie tieng Mumbai a ka um lai a thil dangdai deu ka hmu le thaw hai ti a ka  tu le te hai kuoma ka lan zawt thei ve thei ding ṭhenkhat hai hei tarlang ka tih.

NEWSPAPER PAGE 3 A INLANG NUOM CHUN – Mumbai a nitin chanchinbuhai a inlang i nuom chun mi inlar, hmelṭha, hausa le danglam deu ni kher kher a lo ṭul nawh. I thlalak an nawleh i ruolhai le in party-na thlalak Mumbai Times Page 3-a inlang ve sien ti i nuom chun, Medianet, Times Gruophai hei phone la, a thlalak size le an lang tam dan ding i zirin a man le a hung suok ding hun hung hril tlap nghal el an ti che. Zuk in suk lar deu met dam ei lo um a ni chun 022- 2273- 5483 hi phone thei zing a nih.

MUMBAI-A CITY BUS LAMPUI SEI TAK – Sum tlawmte senga Mumbai fang kuol i nuom chun Borivali Station (E) a bus No. 524 man la, Vashi chen cheng 22 chau sengin tlung thei i ta, chun Mumbai khawpui khawm fang kuol zek thei bawk i tih. Hi bus lamtluong hi 44 km zet a sei ani a, darkar hni zet lampui a nih. I thaw ve nuom chun a lo thaw tasa Tv Lalthasang le James Daihmingthang hai kawla ngaiven thei zing a nih. An hriet chieng hle a ni kha aw….

MUMBAIA JAPAN THLANMUOL LE CHINESE TEMPLE – Nipponzan Myohoji chun Japanese temple tia ṭhenkhatin an i ko bawk, Worli hmun lai sawn hrietlar taluo Japan hai thlanmuol a uma. Hriet dan chun hi thlanmuol hi Japan anthawka hung inpemlut ṭhenkhathai le Japan nawchizawr iemani zat zet hai rawna vam hi hmun a hin sie a nih. Hi hmun hi a hmu nuom hai chun hi address hi aw… Japanese temple, Hindu Shamshan Bhoomi, E Moses Road, Worli. Hieng ang bawk hin Mumbai-a Chinese Temple umsun hmu nuom tuhai chun Nawab Tank Road, Mazagaon a hin, abik takin Chinese New Year hun lai fe chi tak a nih.

LEM ZIEK (PORTRAIT) – Thlalakna hmang ngai lova kut a ziek ngei i lim, banga tar thei nghal mawi em em a ziek i dit chun Jehangir Art Gallery kawtthler hei hrut phei la, i lem ziek nuomin lo inchu mur mur el an ti che. Hmai nam rak lo khawm nam patin an ziek suok el a nih. Mumbai-a um i ni si vawikhawt chu pan chi ni ngei a tih.

POWAI-A NGAIKUOI KAM – Powai Dil a khin ngakuoi kam phal ani a chu ROU (Meiteihai nga hming) nekin awle an tam lem el thei ani aw… Maharastra State Angling Association chun nga kuoi kam hin a tui a thienghlimna vawng tlat chu a tum.

NUHMEI KAWRHNUOI – Kawrhnuoi inchawk nuom chang i size i lo hriet naw pal a, an nawleh, i hril inzak ani chun bouina ding reng reng a um nawh. Crawford Market pan el la, an hei hmu char in i size ding chu lo hril dik chat el an tih. Thawṭanni anthawk Inrinni chen i va nepin i van chawk ṭeu thei a nih. Anachu vaihai in zerhuom tla vanga an en che kha thil pawia ngailo met ṭul mai a tih. An naw si chun tlangval thiekthu se deu ṭhuoi khawm ṭha’ng a tih.

BANG ZIEK ṬIEL (GRAFFITI WALL) – Sap filma ei hmu hlak, mi tamtak in ei lo thaw nuom ve hlak rawng chi dang dang hmanga bang ziek ṭiel i thaw nuom ve chun, Bhulabhai Desai Road, Mahalakshmi pan el rawh. Hi taka hin i lungril a sipliem hai, thumal tawi te te, an no le ṭawng mawi le mawi lo i va ziek rang hrep thei (tu khawm in pawi an ti nawh).

MUMBAI-A ZUN IN HLUI TAK – Bombay Dockyard laia um Bombay Castle a chun Mumbai khawpui sunga zun in hlui tak hmu thei zingin a la um . Hi zun in hi ei pi le puhai dier bengchep chaua tuol an leng hunlai, kum 1750A.D. anthawk ta khan an lo hmang ṭan dai tah. I van zun ve nuom chun kum khat sungin vawi 12 chau chance a um. Thla tin ah Chawlni (Sunday) hmasatak chau hin an hawng hlak a nih. I ngaituo sin ve ding: ei ni chu tu chen hin veng tieng vantlang zun in mumal la nei lo ei tam ani aw.. Changkang dan an tlau hle. In zun hi India mi chau phal ani!!!

STRAND BOOK FAIR – Lekha bu inhnik hai tading leu leu Stand Book Fair hi kum khat sung vawi hni, January le September a nei hlak ani. Lekhabu a kim in an man hle. A ni le hun hre nuom hai chun 2208-6103 call thei a nih.

Mumbai Tuisunsuo

Read: 1383

Leave a Reply