Mizoram sawrkar in bill pawimaw pahni a pass

      No Comments on Mizoram sawrkar in bill pawimaw pahni a pass

November 13, 2014: Zanita Mizoram Assembly inṭhungkhawm chun Mizoram khawtlang nun her danglam theitu ding khawpa dan pawimaw pakhat a siem el bakah dan hlui pakhat siemthatna a nei. Mizoram a nuhmei le pasal innei le inṭhe le inzawma bill ‘The Mizo Marriage, Divorce and Inheritance of Property Bill 2014’ chu Law and Judicial Minister Pu Lalsawta in House-ah a putlut. Member tam takin an hril tlang zovin hi bill hi lungruol taka pass a nih. Hi dan thar dungzui hin customary law hmang ta lova Mizo innei dan, inṭhe dan le inṭhe hnung ro insem dan hai bakah naupang enkawl chungchang le intum suok tah nau pasal le nau nuhmei haiin an pa hai ro insem dan ding hai fel taka inrelbawlna dan ding hai siem a nih.

Hi baka hin, The Lushai Hills District (Village Councils) (Amendment) Bill 2014, LAD Minsiter Pu PC Lalthanliana-in a putlut chu zani khan lungruol takin pass a nih. Hi dungzui hin Village Council-ah nuhmei tadingin seat hau a nih. In 200 umna khuo a VC chun member 3 nei thei a ta, chu laia pakhat chu nuhmei ning a tih. In 200-500 umna khuo ah VC member 5 um thei an ta, nuhmei tadingin seat pakhat hau ning a tih. In 500-1000 chen umna khuo ah VC member 7 um thei an ta, nuhmei tadingin seat pahnih hau ni bawk a tih. In 1000 chuong umna khuo ah VC member 9 um thei an ta, chuong hai laia 3 chu nuhmei tadinga hau ni ve thung a tih. Hi dan siemṭhat dungzui hin VC sin le thuneina iemanizat suk lien le suk sang a nih.

Read: 891

Leave a Reply