Saikot SDO Complex hawngna le inzawmin Saikot Sub Division Demand Committee in lawmthu

SAIKOT SDO COMPLEX HAWNGNA LE INZAWMA LAWMTHU

Beisei taka ei lo thlir le Bandh hai huoihawta nasa taka kum 2011 laia inthawka nawr a ni hnungin, Saikot Sub Divisional Office Complex chu Date 24th April,20015 (Zirtawpni) Pu Shri Okram Ibobi Singh, Chief Minister, Manipur chun ropui takin a hawng le inzawma khaw thenkhat hieng Muolvaiphei, Saikawt, Hmuntha, Muolbem,Khawpuibung, Valpakot le a dang dang intina pakhat bek hi hunsera thang dinga thupetu Village Authority hai kuomah le thuawi taka mipui mani sin maksana fe khawmhai kuomah lawmthu ei hril bawk.

Ngaipawimaw taka hunsera chanvo pawimaw cheltu le mi uoptu Shri Okram Ibobi Singh, Chief Minister, Manipur, Chief Guest, Shri Gaikhangam, Deputy Chief Minister, Manipur, Functional President, Shri Phungzathang Tonsing,Minister, (Health & FW,GAD,CADA), Manipur, Shri Dr. Chalton Lien Amo, MLA, Chaiman, HAC, Manipur, Shri Vungzagin Valte, MLA, Parliament Secretary, Shri T. Manga Vaiphei, MLA, Chairman,MTDC, Shri T.N. Haokip,MLA, Saikot Assembly Constituency, Guest of Honour, Shri Ginsuanhao, MLA, Lalhrillien, MDC le Lunminthang Haokip ,IAS, D.C. Churachandpur, Lalnghet Hmar, Ex. MDC, President, District Congress Committee, Churachandpur, Upa Laldawnlien Varte, President, HYA, Gen. Hqrs, Pu Laltanpuia, President,HSA, Churachandpur Jt. Hqrs. hai kuomah lawmthu ei hril a nih.

Chun, Manipur sawrkar (Cabinet) thutlukna a um theina dinga politician thei tawka bau kham raka mi hril pektuhai Pu Dr. Chalton Lien Amo, Chairman, Hills Area Committee, Pu T.N Haokip bieltu MLA, Pu Phungzathang Tonsing, Minister, District Incharge, Churachandpur, Lalhrillien, bieltu MDC, Lalnghet Hmar, Ex. MDC. Hi khelah Community Organisation hieng – Hmar Inpui, Zomi Council, Vaiphei People Council, Kuki Inpi le Mizo People Convention, Manipur hai le Student body hieng – HSA, MZP, CDSU, ZSF le KSO hai thangpuina leia hlawtling ei nih ti ei hriet leiin an kuomah lawmthu a vel a velin ei hril bawk.

Social Workers , Pu Darsiemlien Ruolngul, Pi Rammoi hai, Print Media fe thlenga thei tawka mi thangpui hlaktu Hmasawnna Thar Daily, Manmasi Digest, bakah Social Media Network hieng – Facebook Hmar Group , Virthli, Fox Journal, Inpui.com, Ruonglevaisuo le adang dang hai kuomah lawm takin lawm thu ei hril bawk a.

Chun, biel mipui hai inpekzona, inthuruolna, taimakna, tumruna le thangtlangna leia hi Sub Divisional Office Complex hi hawng thei chau a ni leiin biel mipui hai kuomah lawmthu ei hril mawl mawl bawk a nih. Chun, kawng hran hrana ei thil nawr a hlawtling theina dinga ngaituona, thurawn, thiemna, sum le pai, hun pawi maw tak tak sengtu hai kuomah lawmthu ei hril bawk a nih.

A tawp takah hieng ang ngirhmun min tlungtirtu laia hmun insang tak hluotu le thik ruol lo chu ei Chung Pathien a ni leiin a kuomah inring takin lawmthu ei hril takzet a nih.

Sd/-
R. Lalkaisanga
Secretary

Sd/-
Timothy Z. Zote
Chairman

Sd/-
Gedeon
Information Secretary

Sd/-
Lalramtawn Hmar
Information Secretary
Saikot Sub Division Demand Committee (2011)

Read: 1063

One thought on “Saikot SDO Complex hawngna le inzawmin Saikot Sub Division Demand Committee in lawmthu

Leave a Reply