PATHIEN HUNBI RUOT LE KHAWVEL POLITIK

PATHIEN HUNBI RUOT LE KHAWVEL POLITIK

Ziektu: L.B.Tuolte, New Delhi.

16th June, 2016.

Baibul inziektirtu, Pathien hi iengkim  a bula inthawk a tawp chen a hriet vawng a a ni awm ie. Tulaia ei hmasuon mek le Musalmanhai chungchangah fie tawk takin Baibulah ziek a nih. Zawlnei Daniel le Johan, Thupuongsuo ziektuhaiin Musalmanhai um dan le thilthaw fie tawkin an lo ziek hi Baibul  ringtlak a nina  a nih. Thukhir tak tak an ziek a ni leiin varna le hrietna nei chun ‘sui raw seh’ ti ziek an ni bawk. Chuleiin, ei hrietna’n a phak chen sui tum ei tih.

“ Sukramtu Tirdakum

Hi thu   hi hmun thum lai zetah   Danielin a ziek a. Thu mal pakhat vawi thum   ziek nawn hi thu pawimaw, a ziek san hriet ngei ding a nih.  Sukramtu tirdakum laia pakhat hi Islam(Musalman) sakhuo  le inzawm a nih.

‘Thla 42’

Thupuongsuoah   thla 42 ti hi thawk hni  ziekin a um a. Thu pawimaw  a ni phawt el. Thupuong   11:2 hi Islam  (Musalman) sakhuo  le inzawm a nih.

Sukramtu Tirkdakum pakhatna chu Daniel 9: 27 hi a nih.‘Hapta khat sung chu mi tam tak  leh thuthlung siempui a ta;sienkhawm hapta chanveah inthawina le thil hlanhai chu suktawp a  tih. Tempul sir khatah  sukramtu tirdakum sieng a ta; a tawpna hun dinga ruot a thlung pha a chungah lungsenna bunthlak a ni chenin tempulah chun um a tih.’

A chunga ziek  hin mi  pakhat chanchin le tempula sukramtu dirdakum a hril.  Hi thu hi iengtika  atlung ding hriet a ni nawh.    Hi thu hi ei thupui  a ni naw leiin fepel nghal ei tih. La tlung lo a nih.

Sukramtu Tirkdakum pahnina chu Daniel 11:31 hi a nih. ‘A sipaihai chu tempul inhuona kul suosam dingin hung inthawk an ta; hmun thienghlim chu  sukpawcheng an ta, nitinah  pumraw inthawi thilhlan an thaw hlak chu suktawp an ta;  sukramtu thil tirdakum chu sieng a tih.’

A chunga ziek  hin mi pakhat le  sipai tamtak  chanchin a hril. Tempula sukramtu dirdakum  an sie thu a hril bawk a. Antiochus Epihanes in 167 B.C khan Aigupta rama inthawk a hung kir tieng Jerusalem a run a. Antiochus IV (Selucid lal)hi   Israel  hnam theida emem   a nih. Zeu ( Greekhai pathien pakhat) hmingin Judahai tempulah maicham  a siem a. Eselnain  vawk a’n hlan an ti  bawk. Danielin a ziek a inthawk kum 350   hnunga  thlung a nih. Judahai ta dinga tirdakum chu milim pathien le vawk inhlan kha a nih. Daniel 11:31 sukdiktu chu Antiochus kha a nih.   An dikna ei hmu der tah. Thil tlung tah a nih. Ngaituo zawm ding a um nawh

Daniel 12:11: Sukramtu Tirdakum pathumna chu Daniel 12:11 hi a nih. Ei thu sui nuom pakhatna a ni bawk.

Nitina inthawi le inhlan  sukbo a  inthawk Sukramtu  tirdakum  tempul/hmun thienghlima sie a ni chen hun ni 1290 tlang a tih.

Roman General rawiin 70 A.D khan Jerusalema Judahai tempul suksiet a nih. Kum 600 hnungin Jerusalem kawpuiah   Dome of Rock le Al-Aqsa tempul a ngir der tah.Israelhai hmun thienghlim chu Musalmanhaiin an chang tah.

B.C 586 hin Lal Nebukanezarin  Jerusalem a hung run a.  Judahai tam deu salin a man  a; an tempul khawm a suksietpek. Hi tempul hi Solomon tempul,B.C  968   laia bawl kha a nih.  Judahai tempula inthawi le   inhlan sukbo/lakhmang hun hi B.C.  586-583  kar  a nih.   B.C 583  vel hi inthawi le inhlan sukbo hun  nin  Baibul suituhaiin an hril.

Zawlnei Daniel hi lekhathiem a ni leiin a  lekhabu ziek hi minaran  hriet thei lo   ding a tam.  Khawvel history invir le hma tieng thil  tam deu a ziek. Tiem  pei le sui  pei chun  ngaituo ding a ziek  tam hle  bawk a nih. Thuruk thawk-le-khata hriet lo  ding a ziek tam hle.  Tam tak laia  pakhat, vawisuna  ei hriet lar em em, Jerusalem khawpuia   Dome of Rock le Al-Aqsa Mosque  khawm Danielin a  hmai nawh. Chieng deuin hi chungchang a hril.

Solomon tempul huongsunga (complex) hin Mosalman hmun pawimaw  pahni a ngir a. Chu hai chu: Dome of the Rock le   Al-Aqsa Mosque an tih.  ‘Sukramtu Tirdakum, a ngir nawna ding hmuna ngir’ kha    Dome of the Rock (Prophet Mohammad hrietzingna le van kaina hmun ) hi a     nih. Dome of Rock hi Umayyad  Caliph  Abdal-Malikin a bawl a nih. Kum  688-691  kar sung khan   bawl zo a nih.   Judahai ta dinga tirdakum le sukramtu, an thil inhlan zingzing sukbotu chu iengdang ni loin Tempul Muol (Temple Mount) a Mosalman hmun thienghlim chu an nih.

Judahai kum khata Ni 360 (Lunar Year) a nih. Daniel lekhabuah 12:11 ah    ‘ni’  tia ziek  hi kum a nih.  Chuleiin ni  1290 khawm kum 1290  ti lem ding a nih. Danielin Judahai kalendar kum khatah ni 360 a hmanga a. Chuleiin Danielin ni  1290 a ti hi tulai kalendar ei inchantir  ding a ni lem a.

Vawisuna ei  kalendar hmang hin ni 365 (Solar Year) a um. B.C 583 a inthawk 688 A.D Dome of Rock ngir chen hi kum 1272 a nih.(1290 x.986=1271.9=1272 )  a nih.

Musalmanhaiin Jerusalem le Tempul muol an hluo ding hi Zawlnei Danielin a lo hmu dai tah. Pathien hunbi ruot lawk sukdikna dingin Musalmanhaiin Dome of Rock le Al-Aqsa Mosque    an bawl a nih.

Musalmanhai um loin Baibul andik thei der nawh. Chuleiin, Musalmanhai theida ding an ni nawh.

 

Daniel 12:12: ‘Ni 1335 nghak fan fantu chu a hamṭha’.

Ei sui nuom pahinina  a nih.

Prophet Mommad hi A.D 570 khan a pieng a. 632 khan a thi. Ama sakhuo indin chu Islam (inpumpekna)  a nih.Ama thi hnungin tharum hmangin Islam sakhuo hi hrildar a nih.  Baibul rama kohran hmasahai  chu tharum hmangin  Islam sakhuo hin an dawl zo vawng tah. Jehadishhaiin kohran hmasahai iengzat char am an that hriet ni naw sien khawm kohran hmsahai chu an that  chimit vawng ni ring a um. Vawisun chen hin kohran hmasahai chengna hmunhai- Suria, Aigupta, Lebanon, Jordon Irak le Iran haiah kohranhai riva hriet  ding a tlawm hle tah. Islamic Jehadhaiin a chunga ramhai a kohranhai an hneban  hnungin Europe tieng an lung an len nawk tah a.

Europe rama thu tawp relna  indo (decisive battle) pakhat chu Battle of Tour,  Muslim le  Kristienhai  indona  a nih. Hi inbeina hi October 10, 732 Poitier le Tuor khawpui karah  a nih.Tour khawpuia inthawk mel tlawmte chaua hla a ni leiin ‘Battle of Tour’ ti hming an phuok ni awm a nih.  Chuleiin Tuor indo (Battle of Tour) ti khawmin an ziek hlak. Ummayyad Calipheta sipaihai Abdul Rahman Alqhafi inrawina le Charles Martel sipaihai inbeina a nih. Europe khawmuolpuia Islam sakhuo indar ding dangna indo a ni leiin khawvel indona hmun laia pawimaw pakhat a nih.

Thilmak pakhat chu hi a nih.Charles Martel hi lalram ropui tak awptu ni lo, sipai General ni bawk loin Arab Islamic sipai nuoi tam tak a hneban kha a nih.Historian \henkhat ziek danin Charles hin sipai 15,000-75,000 kar a nei a; Islamic sipaihai hi 60,000-4,00,000 kar vel niin an ziek. Ziek \henkhata chu Charles sipaihai hi suomhmang hawn ni khawmin an hril bawk. (Roman lalram siet hnungin kiltinah inthawk suomhmang hawnin Roman lalram husakna an rawk a. Hi laia suomhmang ṭhenkhat hi Charles Martel sipaihai ring an um)

Charles Martelin Islamic sipai nuoi tam tak a hne ding hi Danielin a lo hril dai tah. Pathien hunbi ni naw sien Charles Martel hin Islamic sipaihai hne dan a um nawh. Pathienin Ehud, vawikawlawng, Israelhai sansuoktu dingin a hmang ang deu khan Charles Martel khawm Pathien hunbi ruot sukdiktu dinga a hmang a  nih.  Pathien hunbi ni naw sien  Charles hin Islamic Jehadhai nuoi tam tak a hne dan a um naw hrim hrim a nih.  Hi hnung hin Islamic Jehadhai chu Europe tieng an lung an leng nawk naw ni mei a tih.

Pu L.Keivawm lekha ziek ‘Pathien Perzep’ ti ka tiem a. Macedonia kona (Mecedonia call) tia Baibuilin a ziek hi  Pathien perzepna hmun a lo ni leia Charles Martelin hnena a chang a nih.  Hi indona hin Kristeinhaiin hnena chang naw hai sien Europe chu Islamic ram ning a tih.

Charles Martel hmangin  Pathienin Europe  a hum a nih.  Makedonia Rawl hin Sinlung suokhai le khawvel pumpui  a nghawng phak.

“Ni 1335 nghak fan fantu chu a hamṭha’ a ti kha Battle of Tour a nih. Jerusalema nitin inthawi sukbo a inthawk  A.D 732 chen hi  kum 1316 a nih.  (583 B.C a inthawk A.D  732  (1335 x.986=1316 ) Judahai kum tiem danin kum  1335 a nih.

History a inthawk Pathien ringumzie hriet thei a nih. Alpha le Omega ti umzie hi history hin a finfie thei tak awm ie.

Thupuongsuo 11:2:  Tempul/biekin puotieng  inhuonna  sung tuollai (outer court) ruokchu inkhisa naw rawh Zentelhai kuoma pek a ni  tah. Anni chun khaw thienghlim thla  42 sirdeng   an tih.

Ei sui nuom pathumna chu hi chungchang hi a nih.

Hril lawkna (Baibul prophesy)  reng reng ‘ni le thla’ tia ziek hi ‘kum’ tia tiem ding a nih. Thla 42 hi  kum 3 le chanve a nih. Johan Thupuonguo hi Roman lalram rorelna hnuoia ziek a ni leiin   tulai  kalnedar  (Gregorian Calendar) hmang a nih. Kum khata ni 365.24 a um a.Thla khata ni 30 dam ni 31 dam a um. Semruolin ni 30.44 vel a um.  Chuleiin,  thla 42=  (42×30.4)=  kum 1278  vel  a nih. 688 A.D(Dome of the Rock) ngir a inthawk  Israelhaiin Jerusalem an lak chen kum 1278 a nih.  1967   ni ruk indo khan Israelhaiin Jerusalem le Dome of the Rock umna tempul muol an hluo tah.

Zentelhaiin (Musalmanhai)   Jerusalem an  sirder sung po hun hi kum 1278 vel a nih. Johanin kum 500 hma deua a lo ziek kha 1967 khan a’n dikna ei hmu chauh a nih.Danielin kum 1000 hma khan a lo hril tah. Pathien hin a bula inthawk a tawp chen a  lo hmu chieng khawpel. Ring  tlak le bel tlak Pathien a nih. Tuhin Jerusalem chu Zentalhai kuta inthawk   insuo a ni tah.

Ni ruk indo  a inthawk Jerusalem chu Israelhai kutah  a um tah. Palestinahaiin Jerusalem khawpui hi ‘kan ta’ an ti ve zing a. An khawpuia inchangitr  an tum zing bawk.Israelhaiin kan ‘chatuon khawpui a nih’ an ti ve zing bawk.B.C 1004 laia inthawk Lal Davidin Israel khawpuia dinga a lo siem a ni tah.  Zinga khawvel history keivirtu ding chu Jerusalem le Dome of Rock an  nih.

Ni ruk indo chungchang  thu tlawmte belsang ei tih. Tarik 5-10 June 1967 hi khawvelin Ni ruk indo tia ei hriet chu a nih. Israel le Arab Musalmanhai Suria, Aigupta, Jordon, Irak, Kuwait le Algeria an nih. Arab Musalman tienga lukhaitu chu Aigupta, Suria,Irak le Jordon  an nih. Hi indo hi indo satlie ni loin Pathien prokram sukpuitlingna dinga Arab Muslimhai pungkhawm an  nih. Hi indo hin Israelhaiin Sinai thlaler, Gaza, Golen Height, West Bank le Jerusalem an lak.

Aigupta le Arab Musalmanhai nasa deuin a rukin Israel  do/run  dingin  an inbuotsai ti thu Israelhaiin an hriet hi thudik chie a nih. Arab Musalmanhaiin thil tum an nei ti chu hril nawn a ngai nawh. Israelhai inring naw kar that chimit vawng tum an nih.  Chuleiin, Israelhaiin hma lawkin(Pre-emptive), Mediteranean tuipui chungah, radar man thei lo khawpa inhnuoin an  vuonga;  Aigupta fighter hawn an suksietpek a. Ni ruk indo chu ṭan a  ni der tah.

Khaw thienghlim le tempul muol, Zentelhaiin kum 1278 (Dome of Rock le Al-aqsa Mosque an bawl a inthawk 1967 chen)  an sirde hnungin 1967, ni ruk indoin lakkir a nih. Hril lawkna (Prophesy) reng reng a tlung chie hma chu iem a hril hriet thei a ni ngai nawh.

Pathien hun bi ruot ni naw sien Israelhaiin Islamic  sawrkar  pungkhawm an hne dan ding a um naw a nih. Islamic sawrkar laia a puipa deuhai chu Aigupta, Suria Irak le Jordon an nih. An meitehemhai Algeria, Kuwait, Lybia Moroco Sudan le  Lebanon an ni bawk.

 

Ni ruk indo laia Irael le Arab Islamic hnamhai  ngir hmun tlangpui:

 

S.No. Israel sawrkar Arab Islamic sawrkarhai le thlawptuhai Total
Sipai 264000** Aigupta, Suria Iraq.  Jordon   547000
Jet Fighter 300  Algeria Kuwait Libya Morocco PLO 957
Tank 800 Pakistan  Sudan Lebanon     2504

 

** Isrealhaiin sipai 100000 (nuoi khat) vel an nei a.Reserved tiemsain 24600(nuoi hni le sing sawmli paruk vel an nei)

Pathien hunbi ruot, Zentelhai a inthawka  Jerusalem  zalenna hun hi a sersuoktu chu Arab Islamic sawrkarhai an nih. Pathien ṭhang naw sien Israelhaiin hnena an chang dan a um nawh.

Khawvel history le politik a inthawk thlir khawmin Baibul  thu hi andik hrim hrim a nih.

Daniel 10:20: Tuhin Persia lal bei dingin ka kir ding a na, ka hne phaleh Greek lal hung suok a tih.

Ei sui nuom palina a nih.

A chunga   ziek khin Greek lal Alexander le Perisa lal Darius indo ding  chungchang a hril a nih.B.C 331 khan Alexander the Great le Darius-III Persia lal chu Gaugamale Indo hmunah an inbei tah a. Alexanderin sipai 50,000 vel a nei a. Persia lalin sipai 10,000,000(maktaduoi khat) a nei. Mihriem hisap dan chun indo ngaina a um nawh. Greek sipai pakhatin Persia sipai 20 a bitum ding a nih. Daniel le inbiepa hi tum ti ei hriet nawh. Pathien  annawleh Michael a nil thei. Amain  thlarau  khawvelah Persia lal  a hne leiin taksa khawvelah Alexandarin awlsam deuin Persia lal a hne a nih.  Pathien hunbi ruot a kim ta leiin Greek sipaihai an hrat a ni lem.

Hunbi ruot a kim leiin Alexandarin a hne lo ding Persia lal a hne a nih. Mihriem hi  iengbar ei lo ni  nawh. Pathien hun ruot sukdik dinga invaipuom mei mei ei lo ni lem. Mihriem chu Pathien hmangruo mei mei ei ni zie Alexender hin  a hrilfie tawk hle.

History a inthawk Pathien hi ring tlak le bel tlak a nizie hriet thei a nih.

Thupuong 13:18: Hi takah varna inlang theina a um.Hrietthiemna nei chun sui ngun raw seh. Sahrang  nambar a nih. Chuchu 666 a nih.

A tawpna dinga ei sui nuom chu Sahrang nambar hi a nih.

Ringtu(Kristien) po po ngaiven hlaw em em chu   nambar 666  a nih. Tawite chauin sui ei tih.

Thupuong hi Greek ṭawnga ziek a nih.Hi nambar hi dangdai tak chu ni phawt a tih.  Sahrang nambar hi Islamic Allah le inzawm a ni tlat. 666 hi  Greek hawrawp pathumin ziek a nih. Hi hawrawphai hi her danglam zawnga thlir chun ‘Allah’  hmingin tia tiem thei a nih. Nambar 666 hi Islam le Koran ti inla a hriet awlsam tak a tih.

Sahrang nambar hi kum zabi 8 vela inthawk zawr a ni dai  tah.Hi nambar inchawk dingin pathum laia pakhat tak pek a ngai. Pakhatna chu Mohammad le Koran i sakhuo dingin i pawm ngai a tih. Pahnina i pawm nuom naw a ni chun leiman hran  chawi a ngai ding tina a nih. Chuchu Jiya an tih.   Koran le Mohammad i biek nuom naw a; leiman hran i pek nuom si naw chun hmabak chu that a nil.

Ṭhenkhatin  adhar card, ATM card le a dang dang  Sahrang nambar le  inzawm dingin an  ring.  Ei mawl lei a nih. Sahrang nambar le ATM card kar hlatzie sim le hmar ang a nih. Vawisuna kat(card) hran hran ei hmang hi Baibulin a hril naw hrim hrim.

Read: 569

Leave a Reply