THUKHAWCHANG

      1 Comment on THUKHAWCHANG

THUKHAWCHANG

– Tv.William

“Aw kan Hmar ram inthim tlang dumduoi,

I sung a Hmar kan leng,

I hming  hung mawina dingin Nunghak tlangval kan theitawp kan suo I par mawi insuo raw”

-Lalkhuom Keivom

Awleh Anti – three Bill activist ang elin nikum  2015 a Manipur state sawrkar in Anti-Tribal bill a pass an thawk khan kei khawm ka thei  ang ang in Anti -Tribal Bill hi ei ṭawng a inlet  in ei ta   dinga a ṭiumzie le a kak hawk ding  hai  chen  vawithum  lai  Hmawsawnna  Thar  fetlengin ka lo ziekve  ta a. Thlazing (August)  11,  Ningani  (Thursday)  2016  hnungtieng  khan Bill thar state sawrkar in a  draft mipui  (public) I hmuthei dingin le sawisel nuom le a  belsa nuomhai ta dingin August 24th2016 chen  hung a hawng a nih. Kei khawm chip chiertak  in ka thei ang angin   ka lo bi vea, iengtin am ei  hotu han hma an lak ti chu ka hriet nawh. Bill  thar  an  draft  ka lo  hmu  ve  dan  chu  a  hmasa  leh a danglamna um bek bek in ka hrietnaw.  A  san chu point no.1 a an  ṭhe  nawi a point  no.2 a khan hienghin an ziek “it shall extend  to the whole of the state of Manipur” tiin a  hung zieka. A um zie chu a hmasaa ei ditnaw  le  khan  a  danglamna  a    um  hran  chuong  nawh.  A  san  chu  Tribal  (Tlangmi)  hai  del  ram khawm an lan huomsa tir rawp a nih. Ei  del ram inhuomsa tir ditnaw leia Tribal haiin  theitawpa ei do dal leia hringna mi pakuo zetin  an chan pha  a ni  kha. Ei hril rawp ta ang khan  eini Tribal hai chu India Constitution Article  170(c) in Tribal hai del ram hi chimrala ei um  nawna  dinga  a  mi  hum  (protect)  pek  a  nih.  Chu chu eini khawm ei theitawpa ei hum tlat  a pawimaw hle. Hi Bill  an pass chun nang le  keiin kan ram kan ta ti ding ei nei ta dernaw  ding ti hi ei theinghil naw ka nuom. Ka la hriet  zing January 2006 lai a Tipaimukh a thiltlung kha chalrang hai hmaa mipuiin kan ram ei hei ti  dek dek a, an ni’n Hmar in ram in nei nawh, hi  hi Manipur a nih an ti el a nih kha. In nuomleh  Mizorama fe ro an ti el an ni kha. Chulein hi  Bill thar an draft hi belchieng a dawl naw hle.  Lo pass ta ang nisienla ei ngirhmun ding awm  ei  zuk  hmathlir  thei.  Tribal  nilo  ei  rama  hai  hung lut an ta, nang le keiin iengangin tirkir  tum la khawm dan in a phalpek tlat chun iem  hril thei ei ta….tu hi a hun lai chu a nih. An  nuom  phawt  chun  a  chung  a  point  an  ziek  hi  “within  the  valley  district  of  Manipur”  ti’n  an  ziek  theia,  an  thleng  thei  bawk. Eini  SECHEDULED  TRIBE    hai  chu  India  dan  hnuoia ei del ram hum pek ei ni thoa, dan thar  Tribal  hai  laia  hmang  ding  ei  la  pawimaw  nawh.

Tiemtu  dittak,  hnungtieng  le  thilhnung  ei  ngaituo ang  khan ei  hmatieng thil  ding ei  ngaituo ve a pawimaw ti hrie seng inla nuom  a  um. Chuleiin  ei  hotu  ditum tak tak  han  hi  Bill an draft thar laia mi point ei ziekdawk hi  sawiselna le pei dingin nawr hai sienla nuom  a um takzet. SE LUT HNUNGA SE DAI SAK  ei thaw nawna dingin, nang le keiin theitawpa  hi Bill an draft thar a khawm ei ram in huomsa  tir anla tum zing  hi ei dodal tlat a pawimaw.  Tipaimukh hung lut thei  nawni  hai ei ti thei  der  naw. Hi Bill  draft thar a  um  hi Act a  ni  chun dan (law) in a phal chun an hung lut ve  el ding a nih. An hnu hmain  ei hotu inzaum  tak takha’n theitawpin hma la hai sienla nuom  a um takzet.

Shillong Hill: 15/8/2016

(HT, Aug 18, 2016)

Read: 682

One thought on “THUKHAWCHANG

Leave a Reply